Valmynd

Persónuverndaryfirlýsing

Þessi persónuverndarlýsing inniheldur upplýsingar um persónuupplýsingar sem tengjast þér sem við söfnum í gegnum vefsíðu Holiday Autos, Argus Car Hire, Dégrifauto & Cabforce og hverjum þeim farsímasíðum og forritum sem tengjast Holiday Autos, Argus Car Hire, Dégrifauto & Cabforce („verkvangurinn“), hvernig við vinnum slíkar upplýsingar og hverjum við birtum þær. Þessi tilkynning útskýrir einnig réttindi þín samkvæmt gildandi lögum um verndun persónuupplýsinga, þ.m.t. persónuverndarreglugerð ESB („GDPR“) í tengslum við vinnslu okkar á upplýsingum þínum.

Um okkur

ETrawler Unlimited Company t/a Holiday Autos, Argus Car Hire, Dégrifauto & Cabforce, með skráða skrifstofu í Classon House, Dundrum Business, Dundrum, Dublin 14, er eigandi og rekstraraðili verkvangs Holiday Autos, Argus Car Hire, Dégrifauto & Cabforce og er því stjórnandi þeirra persónuupplýsinganna sem lýst er í þessari gagnaverndartilkynningu. Tilvísanir í „við“, „okkur“ og „okkar“ í þessari tilkynningu eru því tilvísanir í Holiday Autos, Argus Car Hire, Dégrifauto & Cabforce.
Við bjóðum viðskiptavinum upp á ökutækjaleigu og aðra landsamgönguþjónustu, eins og flutning með rútu, lest og leigubíl („akstur“) og tengda ferðavöru- og þjónustu.
Þú getur haft samband við okkur með því að nota upplýsingar í lok þessarar yfirlýsingar eða, ef þú hefur einhverjar fyrirspurnir varðandi vinnslu persónuupplýsinga, geturðu einnig haft samband við gagnaverndarfulltrúa okkar með því að senda tölvupóst á dpo@cartrawler.com.

Persónuupplýsingar sem við vinnum

Við munum óska eftir ákveðnum upplýsingum frá þér, til dæmis nafn þitt, heimilisfang, netfang, greiðsluupplýsingar og bókunarupplýsingar, svo við getum unnið úr samgöngubókun þinni eða bókun á aukaþjónustu. Við söfnum einnig ákveðnum upplýsingum úr tækinu sem þú notar til að fá aðgang að verkvangi okkar, svo sem IP-tölu þinni, hvaða vafra þú notar og hvers konar tæki þú notar. Við fáum einnig upplýsingar sem safnað er af þriðja aðila fyrir hönd okkar, til dæmis þegar þú sérð auglýsingu Holiday Autos, Argus Car Hire, Dégrifauto & Cabforce á síðu þriðja aðila. Þetta er til viðbótar við þær upplýsingar sem við söfnum.
Meirihluti þeirra upplýsingar sem við söfnum um þig eru upplýsingar sem þú hefur veitt okkur. Þær geta innihaldið eftirfarandi:
• Aksturstilboð – Ef þú vilt fá tilboð vegna aksturs, söfnum við nafni þínu, netfangi, IP-tölu og tilboðstilvísun. Ef þú hefur haft samband símleiðis, söfnum við einnig símanúmeri þínu og upptöku á símtali þínu við okkur.
• Fráhvarfstölvupóstar og -símtöl - Ef þú byrjar á en lýkur ekki við bókun, söfnum við samt takmörkuðum upplýsingum, eins og nafni þínu, netfangi og símanúmeri (fer eftir samskiptamáta þínum við okkur).
• Bókunarupplýsingar - Við óskum eftir þeim upplýsingum frá þér sem þörf er á fyrir vinnslu bókunar þegar þú bókar hjá okkur. Þær fela í sér nafn þitt, heimilisfang, netfang, símanúmer og greiðsluupplýsingar þínar.
• Fyrirspurnir og kvartanir - Ef þú hefur samband við þjónustuver okkar með fyrirspurn eða kvörtun, skráum við upplýsingar um slíkt og hvernig slíkt er meðhöndlað í kerfum okkar. Við kunnum einnig að leita frekari upplýsinga um fyrirspurn eða kvörun frá viðeigandi þjónustuveitanda aksturs eða öðrum veitanda, sem við skráum einnig í kerfi okkar.
• Vátrygging - Ef þú kaupir vátryggingu hjá einum af samstarfsaðilum okkar á því sviði, söfnum við nafni þínu, heimilisfangi, netfangi, símanúmeri, bókunartilvísun, IP-tölu og greiðsluupplýsingum til að auðvelda kaup á vátryggingu þinni.
• Aðrar aukavörur og -þjónusta – Ef þú bókar eða kaupir aðra aukaþjónustu, til dæmis bílastæði, biðjum við þig um upplýsingar sem þörf er á til að vinna beiðnina. Slíkt felur í sér nafn þitt, heimilisfang, netfang, símanúmer, bókunartilvísun, IP-tölu og greiðsluupplýsingar.
• Bókunarupplýsingar fyrir leigubíl gegn beiðni
• Ef þú nýskráir þig á leigubíla-appið okkar, söfnum við nafni þínu, netfangi, vildarauðkenni (ef við á) og lykilorðs- og greiðsluupplýsingum.
• Við söfnum nafni þínu, netfangi og greiðsluupplýsingum þegar þú notar leigubíla-appið okkar. Við söfnum einnig staðsetningargögnum þegar þú notar appið okkar og meðan á ferð þinni stendur.
• Staðsetningargögn - Ef þú notar þjónustu okkar í fartæki og hefur virkjað staðsetningarþjónustu, skráum við staðsetningu þína til að hjálpa þér að finna akstursþjónustu á staðnum eða aðra þjónustu. Við notum einnig IP-tölu þína til að ákvarða í hvaða landi þú ert þegar þú gerir bókunina.
• Upplýsingar tengdar vildarþjónustu - Ef þú skráir þig í vildarþjónustuna okkar, t.d. MyAccount, munum við vista upplýsingar um nafn þitt, netfang, símanúmer, fæðingardag, notandanafn og lykilorð og fyrri tilvísunarnúmer bókana þinna.
• Markaðssamskipti með tölvupósti - Þegar við söfnum netfangi þínu skráum við óskir þínar varðandi móttöku markaðspósta frá okkur í tengslum við vörur okkar og þjónustu og þá sem tilheyrir þriðja aðila.
• Kannanir - Ef þú tekur þátt í könnun, munum við skrá svör þín sem og nafn þitt og netfang.

Persónuupplýsingar sem við söfnum sjálfkrafa:

Þegar þú notar verkvang okkar notum við ýmis konar tækni til að sjálfkrafa skrá upplýsingar um það tæki sem þú notar og hvernig þá átt samskipti við verkvanginn. Þessar upplýsingar fela í sér:
• Upplýsingar um tæki - Við söfnum sjálfkrafa upplýsingum um tækið sem þú notar, þar á meðal IP-tölu þess, auðkenni tækisins, vafrann sem þú notar og stýrikerfið sem tækið notar.
• Hvernig hefur þú samskipti við verkvang okkar - Við skráum upplýsingar um hvernig þú notar verkvang okkar, t.d. dagsetningu og tíma heimsóknar þinnar, hvaða síður þú heimsækir, hversu lengi þú dvelur á síðum, á hvað þú hefur smellt á á síðunni og upplýsingar um hrun eða kerfisvillur sem þú gætir hafa upplifað.
• Hvernig komst þú á verkvanginn - Ef við getum skráum við hvernig þú komst á verkvang okkar (t.d. hvort þú komst frá leitarvél eða með því að smella á eina af auglýsingum okkar).

Upptök persónuupplýsinga

Kringumstæður geta komið upp þar sem við söfnum upplýsingum frá þriðja aðila þó við söfnum mest upplýsingum frá þér. Slíkar kringumstæður geta verið:
• Þriðji aðili - Við rekum þjónustu þar sem þriðji aðili auglýsir verkvang okkar fyrir okkar hönd. Ef þú smellir á eina af þessum auglýsingum ertu áframsendur á verkvanginn okkar með tækni sem gerir okkur kleift að skilja hvaða þriðji aðili vísaði þér áfram. Við fylgjumst síðan með hvort þú gerir bókun og ef þú gerir það tengjum við hana við viðeigandi þriðja aðili í því skyni að greiða umboðslaun. Við veitum þriðja aðila engar persónuupplýsingar í tengslum við þig.
• Þjónustuveitandi - Ef vandamál kemur upp varðandi akstur þinn eða annan þjónustuveitanda, getur þjónustuveitandinn haft samband við okkur og gefið upp upplýsingar um vandamálið.
• Auglýsingar - Þegar við vinnum með þriðja aðila til að birta auglýsingar getum við notað tækni eins og vafrakökur eða vefvita til að skrá upplýsingar um samskipti þín við þær auglýsingar. Þessar upplýsingar eru stundum sendar til okkar með vafrakökum eða vefvitum sem eru uppsett fyrir okkar hönd af þessum þriðja aðila. Ef upplýsingarnar eru sendar til okkar fer það fram á nafnlausan hátt.

Tilgangur vinnslu og lagagrundvöllur

Helsta ástæðan fyrir því að við notum persónuupplýsingar þínar er að vinna úr bókunum þínum fyrir akstur og aukaþjónustu og til að meðhöndla fyrirspurnir eða vandamál sem kunna að koma upp í tengslum við þær bókanir. Við notum einnig persónuupplýsingar þínar í öðru ákveðnu skyni, svo sem til að sérsníða auglýsingar okkar og markaðspósta til að tryggja að þeir séu viðeigandi fyrir þig og fylgjast með notkun þinni á verkvangi okkar til að hjálpa okkur að framkvæma úrbætur og sérsníða birtingu okkar.
Eftirfarandi eru frekari upplýsingar um vinnslu okkar og lagagrundvöll sem réttlætir þessa vinnslu:
• Aksturstilboð – Við vinnum persónuupplýsingar þínar til að veita þér aksturstilboð. Við vinnum þessar upplýsingar á grundvelli þess að það er nauðsynlegt til að grípa til aðgerða varðandi beiðni þína áður en aksturssamningur gæti verið gerður.
• Fráhvarfstölvupóstar og -símtöl – Við vinnum persónuupplýsingar til að hafa samband við þig og finna út hvort þú lentir í vanda þegar þú reyndir að bóka. Við gerum þetta í lögmætu skyni til að tryggja gæði þjónustu okkar við viðskiptavini og að engin vandamál séu á verkvangi okkar.
• Bókanir - Við notum persónuupplýsingar þínar til að vinna úr bókunum hjá okkur og samgönguveitendum og til að gera þér kleift að hafa umsjón með bókunum á verkvangnum. Þegar við vinnum úr persónuupplýsingum í þessu skyni munum við gera það annað hvort á grundvelli þess að það sé nauðsynlegt fyrir samningsgildið eða á grundvelli lögmætra hagsmuna okkar við að veita bókunarþjónustu okkar á samgöngusviði.
• Vátrygging/Önnur aukavara eða -þjónusta - Ef þú kaupir vátryggingu hjá einum af samstarfsaðilum okkar á því sviði í tengslum við samgöngubókun þína eða bókun á annarri aukaþjónustu, vinnum við úr upplýsingum þínum til að greiða fyrir bókun á þeirri þjónustu. Þegar við vinnum úr persónuupplýsingum í þessu skyni munum við gera það annað hvort á grundvelli þess að það sé nauðsynlegt fyrir samningsgildið við þig eða á grundvelli lögmætra hagsmuna okkar við að veita þér þá þjónustu.
• Fyrirspurnir og kvartanir - Þegar þú sendir okkur fyrirspurn eða kvörtun varðandi samgöngubókun eða aðra aukaþjónustu vinnum við úr persónuupplýsingum þínum til að svara fyrirspurninni eða til að leysa úr kvörtuninni. Þegar við vinnum úr persónuupplýsingum í tengslum við fyrirspurn eða kvörtun gerum við það á grundvelli lögmætra hagsmuna okkar við að leysa úr fyrirspurnum og kvörtunum viðskiptavina. Ef þú býður upplýsingar í tengslum við heilsu þína, munum við vinna úr þessum persónuupplýsingum á grundvelli þess að þú veitir okkur samþykki þitt á notkun hennar til að leysa úr fyrirspurn þinni eða kvörtun.
• Bókanir á leigubíla-appi – Við vinnum úr upplýsingum þínum til að greiða fyrir nýskráningu þinni og notkun á leigubíla-appinu. Þetta er annað hvort gert á grundvelli þess að við berum samningsbundna skylda til að gera það eða á grundvelli lögmætra hagsmuna okkar við að veita viðskiptavinum okkar þessa þjónustu.
• Vildarþjónusta - Ef vildarþjónusta er fyrir hendi notum við persónuupplýsingar þínar til að stjórna þjónustunni, til að bæta við/draga frá vildarpunktum og til að tilkynna þér um vildarfríðindi. Við vinnum úr þessum upplýsingum á grundvelli þess að slíkt er nauðsynlegt fyrir samningsgildið við þig.
• Markaðssamskipti með tölvupósti - Þegar við höfum safnað netfangi þínu í því skyni að veita þér þjónustu, gætum við sent þér tölvupósta um vörur og þjónustu sem við teljum að þú gætir haft áhuga á. Við sendum þessa markaðspósta á grundvelli lögmætra hagsmuna okkar við að markaðssetja vörur okkar og þjónustu.
• Veita og bæta þjónustu okkar - Þegar við söfnum upplýsingum í tengslum við notkun þína á verkvangi okkar og þjónustu, til dæmis upplýsingum um tæki þitt og hvernig þú átt samskipti við verkvang okkar, notum við þessar upplýsingar til að veita þér þjónustu okkar og sérsníða upplifun þína. Við notum einnig upplýsingarnar til að prófa nýja eiginleika sem við erum að hugsa um að kynna, til að greina hvernig verkvangur okkar er notaður og til að meta og bæta þjónustu okkar. Ef mögulegt er, notum við þessar upplýsingar á nafnlausan máta. Öll þessi vinnsla persónuupplýsinga þinna er á grundvelli lögmætra hagsmuna okkar við að reka, bæta og tryggja þjónustu okkar.
• Greiningar/skýrslugerð - Við notum upplýsingar í tengslum við bókanir til að búa til innanhúss skýrslur varðandi það hvernig fyrirtæki okkar er rekið. Við notum einnig þessar upplýsingar í öðru greiningarskyni á rekstrarsviði og til að reyna að spá fyrir um framtíðarþróun sem kann að hafa áhrif á fyrirtæki okkar. Þessi vinnsla er framkvæmd á samantektarstigi þannig að þú ert ekki persónugreinanleg/ur í skýrslum eða greiningum.
• Auglýsingar - Við viljum tryggja að þegar þú sérð Holiday Autos, Argus Car Hire, Dégrifauto & Cabforce eða aðra auglýsingu mun hún eiga við þig og hagsmuni þína, hvort sem auglýsingin birtist á þeim verkvangi sem við rekum, í markaðspóstum okkar eða á síðu þriðja aðila. Við gætum notað sömu upplýsingar til að sýna þér auglýsingar á vandlega völdum vörum og þjónustu þriðja aðila. Þegar þú notar verkvang okkar notum við fyrri leit þína til að sérsníða auglýsingar þínar að áhugasviðum þínum. Ef þú hefur til að mynda leitað að bílaleiguvalkostum í Berlín, gætum við notað þessar upplýsingar til að birta auglýsingar fyrir þig á verkvangi okkar og á vefsíðum þriðja aðila fyrir ökutæki til leigu í Berlín sem gætu vakið áhuga þinn. Við kunnum einnig að nota upplýsingar um fyrri viðskipti þín á verkvangi okkar til að sérsníða auglýsingar okkar. Við vinnum persónuupplýsingar þínar í þessu skyni á grundvelli lögmætra hagsmuna okkar til að tryggja að auglýsingar okkar eða auglýsingar þriðja aðila séu skilvirkar.
• Kannanir - Ef þú ákveður að taka þátt í könnun vinnum við upplýsingar þínar á grundvelli samþykkis þíns.

Persónuupplýsingar sem við gerum kröfu um að þú veitir

Þér ber ekki skylda að veita okkur neinar persónuupplýsingar. Ef þú vilt gera samgöngubókun eða nýta þér aukaþjónustu, þarftu að veita okkur þær upplýsingar sem bókunarvél okkar fer fram á. Við getum ekki unnið bókun þína ef þú veitir okkur ekki þessar upplýsingar. Þú gætir einnig þurft að veita ákveðnar upplýsingar ef þú hefur samband við þjónustuver okkar vegna fyrirspurnar eða kvörtunar. Við látum þig vita þegar þörf er á slíkum upplýsingum.

Viðtakendur upplýsinga

Við vinnslu á bókun þinni verðum við að senda upplýsingar þínar til viðeigandi veitanda á samgöngusviði. Ef þú hefur samband við okkur varðandi fyrirspurn eða kvörtun í tengslum við bókun, gætum við einnig deilt upplýsingum fyrirspurnar eða kvörtunar með veitanda á samgöngusviði svo við getum leyst úr henni.
Ef þú kaupir aðra þjónustu, gætum við þurft að deila persónuupplýsingum með þjónustuveitanda þriðja aðila svo að viðkomandi geti veitt þér þá þjónustu. Ef þú gerir kröfu samkvæmt vátryggingu þinni, gætum við þurft að deila persónuupplýsingum með vátryggjandanum eða öðrum tilnefndum kröfuvinnsluaðila.
Við kunnum að deila persónuupplýsingum þínum með þriðja aðila sem hluti af netauglýsingaþjónustu okkar, en viðkomandi mun taka saman upplýsingarnar sem við búum yfir um þig til að sérsníða auglýsingar sem birtast á vefsíðum þriðja aðila (sem kunna að vera okkar eigin auglýsingar eða auglýsingar þriðja aðila). Ef upplýsingunum er deilt, eru þær verndaðar með dulkóðun eða öðrum öryggisráðstöfunum.
Við notfærum okkur einnig ýmsa þjónustuveitendur til að aðstoða okkur við að veita þjónustu okkar. Sumir munu hafa aðgang að upplýsingum þínum (við notum t.d. ýmiss konar þjónustuveitendur á hugbúnaðarsviði sem hýsa upplýsingar þínar en slíkt er hluti af þjónustu þeirra). Ef við fáum þriðja aðila til að vinna úr upplýsingum þínum fyrir okkar hönd þá tryggjum við að viðkomandi virði rétt þinn til friðhelgi einkalífsins og að veitandinn vinni upplýsingarnar í samræmi við gagnaverndarlög. Frekari upplýsingar eru eftirfarandi:
• Hýsingarveitendur - Við notum ýmsa skýjaþjónustu og þjónustuveitendur til að hjálpa okkur að hýsa og hafa umsjón með upplýsingunum þínum.
• Greiðsluvinnsluaðilar - Við notum greiðsluvinnsluaðila þriðja aðila til að aðstoða okkur við að taka við greiðslum á verkvangi okkar.
• Tækniveitendur - Það felur í sér þjónustuveitendur sem veita þjónustu á borð við að hjálpa okkur að tryggja net okkar, kerfi og tölvupósta.
• Veitendur þjónustuvers - Við notum þjónustuveitanda þriðja aðila til að sinna þjónustuveri okkar utan skrifstofutíma.
• Endurskoðendur - Við erum með innanhúss og utanhúss endurskoðendur sem koma frá þriðja aðila. Endurskoðendurnir hjálpa okkur að tryggja að við uppfyllum lagalegar skyldur okkar, þ.m.t. í tengslum við vinnslu persónuupplýsinga. Við vissar aðstæður getur þetta þýtt að þeir hafi aðgang að kerfum okkar sem vinna úr persónuupplýsingum eða að þeir gætu þurft að fara yfir hvernig við höfum unnið úr tilteknum persónuupplýsingum.

Flutningur erlendis

Undir ákveðnum kringumstæðum munum við flytja persónuupplýsingar þínar utan Evrópusambandsins til lands sem ekki er viðurkennt af framkvæmdastjórn Evrópusambandsins fyrir að veita jafngildi verndar persónuupplýsinga eins og kveðið er á um í Evrópusambandinu. Algengustu aðstæður eru þegar við flytjum persónuupplýsingar til samgönguveitanda svo að viðkomandi geti framkvæmt bókunina. Við gætum einnig flutt persónuupplýsingar þínar út fyrir Evrópusambandið í tengslum við rekstur fyrirtækis okkar, svo sem þegar við notum þjónustuveitanda sem er staðsettur í annarri lögsögu. Ef við flytjum persónuupplýsingar þínar út fyrir Evrópusambandið munum við tryggja að viðeigandi ráðstafanir séu til staðar til að vernda persónuupplýsingar þínar og að uppfylla skyldur okkar samkvæmt gildandi lögum um gagnavernd. Þetta gæti falið í sér að gera samningar í því formi sem framkvæmdastjórn Evrópusambandsins hefur samþykkt við þann aðila sem við höfum flutt persónuupplýsingar til, eða tryggt að fyrirtækið sem við flytjum persónuupplýsingar þínar til hafi samþykkt að fylgja samþykktri flutningsaðferð, svo sem samkomulagi Evrópusambandsins og Bandaríkjanna til varnar friðhelgi einkalífsins.
Ef þú vilt fá frekari upplýsingar um þær ráðstafanir sem við höfum nýtt í tengslum við flutning persónuupplýsinga þinna eða fá afrit af þeim samningum sem við búum yfir í tengslum við þessa flutninga, skaltu hafa samband við okkur með því að nota upplýsingarnar neðst í þessari yfirlýsingu.

Varðveisla

Við varðveitum persónuupplýsingar þínar í samræmi við gagnavarðveislustefnu okkar. Gaganvarðveislustefnan starfar eftir þeirri meginreglu að við geymum ekki persónuupplýsingar lengur en nauðsynlegt er í þeim tilgangi sem þeim er safnað og í samræmi við kröfur sem lagðar eru á okkur samkvæmt lögum. Þetta þýðir að varðveislutímabil persónuupplýsinga þinna er mismunandi og ræðst af tegund upplýsinga. Til dæmis:
• Færslugögn – Við varðveitum upplýsingar um bókanir þínar og samskipti þín við okkur eins lengi og nauðsynlegt er til að greiða fyrir bókun þinni og leysa úr vandamálum sem kunna að koma upp. Ef markaðsstillingar þínar eru á þá vegu að við getum sent þér markaðsskilaboð, verða slíkar upplýsingar varðveittar í samræmi við upplýsingarnar hér að neðan.
• Upplýsingar tengdar vildarþjónustu – Við varðveitum upplýsingar í tengslum við vildarþjónustu okkar eins lengi og nauðsynlegt er til að greiða fyrir umsjón með vildarþjónustu okkar.
• Markaðssamskipti með tölvupósti - Við geymum afrit af persónuupplýsingum þínum svo hægt sé að senda þér markaðstilboð eins lengi og nauðsynlegt er til að greiða fyrir markaðsstillingar þínar. Við varðveitum einnig ákveðnar upplýsingar í tengslum við færslur þínar, en slíkar gerir okkur kleift að sérsníða markaðstilboð okkar.
• Umsjón með réttarkröfum - Þegar við metum hversu lengi við geymum persónuupplýsingar, tökum við tillit til þess hvort þörf gæti verið á þessum upplýsingum til að leggja fram eða vernda réttarkröfu. Ef slíkar upplýsingar eru nauðsynlegar, gætum við geymt þær þar til fyrningarfrestur rennur út í tengslum við gerð kröfunnar sem hægt er að leggja fram (sem er breytilegt frá 2 árum til 12 ára).

Vafrakökur

Þessi verkvangur notar vafrakökur. Vafrakökur eru litlar, einfaldar textaskrár sem eru sendar frá vefsíðu og vistaðar á tölvunni þinni, spjaldtölvu eða farsíma þegar þú heimsækir vefsíðu. Upplýsingar sem varða heimsókn þína á vefsíðu eru vistaðar á þessum vafrakökum. Vinsamlegast kynntu þér stefnu okkar um vafrakökur til að fá frekari upplýsingar um þær sem við notum.

Aðrar vefsíður

Þessi verkvangur getur innihaldið tengla á aðrar vefsíður eða þú gætir hafa komið hingað með því að hafa smellt á tengil á annarri vefsíðu. Þessi persónuverndaryfirlýsing á aðeins við um þennan verkvang og þá þjónustu sem rekin er af Holiday Autos, Argus Car Hire, Dégrifauto & Cabforce í tengslum við Holiday Autos, Argus Car Hire, Dégrifauto & Cabforce á verkvanginum. Þegar þú smellir á tengil á aðrar vefsíður, ættir þú að kynna þér persónuverndaryfirlýsingar þeirra.

Mikilvægar upplýsingar um samþykki þitt

Þér er frjálst að afturkalla samþykki þitt hvenær sem er í þeim kringumstæðum þar sem við vinnum persónuupplýsingar þínar á grundvelli samþykkis þíns. Þú getur afturkallað samþykki þitt með því að hafa samband við okkur og nota samskiptaupplýsingarnar neðst í þessari yfirlýsingu. Ef samþykki þitt tengist viðtöku markaðssamskipta í tölvupósti, geturðu smellt á Hætta áskrift-tengilinn í tölvupóstinum. Vinsamlegast hafðu í huga að ef þú afturkallar samþykki þitt, getur verið að við getum ekki veitt þér tengda þjónustu.

Réttindi þín

Í sumum tilvikum býrð þú yfir eftirfarandi réttindum í tengslum við persónuupplýsingar þínar:
• Réttur til aðgangs að upplýsingum - Þú hefur rétt á að óska eftir afriti af þeim persónuupplýsingum sem við eigum um þig ásamt öðrum upplýsingum um vinnslu okkar á þeim persónuupplýsingum.
• Réttur til leiðréttingar - Þú hefur rétt á að óska eftir að rangar upplýsingar um þig séu leiðréttar. Ef við búum yfir ófullgerðum upplýsingum, getur þú óskað eftir að við uppfærum þær svo þær verði fullgerðar.
• Réttur til eyðingar - Þú hefur rétt á að óska eftir að við eyðum persónuupplýsingum sem við eigum um þig. Þetta er stundum kallað réttur til að gleymast.
• Réttur til takmörkunar á vinnslu eða mótmæli við vinnslu - Þú hefur rétt á að óska eftir að við vinnum ekki lengur persónuupplýsingar þínar í ákveðnu skyni eða að mótmæla vinnslu persónuupplýsinga þinna í ákveðnu skyni.
• Réttur til flytjanleika gagna - Þú hefur rétt á að óska eftir að við veitum þér, eða þriðja aðila, afrit af persónuupplýsingum þínum á skipulögðu véllesanlegu sniði sem oft er notað.
Vinsamlegast hafðu samband við okkur með því að nota samskiptaupplýsingarnar neðst í þessari yfirlýsingu til að beita þeim rétti sem lýst er hér að ofan.

Breytingar á persónuverndaryfirlýsingu okkar

Reglulega endurskoðum við persónuverndaryfirlýsingu okkar og uppfærslur eru gerðar á henni á þessari vefsíðu.

Spurningar og kvartanir

Ef þú ert með einhverjar spurningar eða kvartanir í tengslum við vinnslu okkar á persónuupplýsingum þínum, geturðu haft samband við okkur með því að nota eftirfarandi samskiptaupplýsingar:
Með pósti: Data Protection Officer, Holiday Autos, Classon House, Dundrum Business Park, Dundrum, Dublin 14, Ireland
Með tölvupósti: dpo@cartrawler.com

Þú hefur einnig rétt á að leggja fram kvörtun til Irish Data Protection Commission ef þú ert óánægð/ur með vinnslu persónuupplýsinga þinna hjá Holiday Autos/Argus Car Hire/Dégrifauto/Cabforce. Upplýsingar um hvernig má leggja fram kvörtun má finna á (https://www.dataprotection.ie/docs/Contact-us/11.htm) en þú getur einnig hringt í Data Protection Commission í síma +353 (0)761 104 800.